老公版：
上星期去左沖繩另一個 event , 夜晚重有煙花！（記住，唔系煙火！）沖繩好多event，淨系2月28日，已經有三個中型event. 天公做美，前幾日日日落雨，琴日就非常好天，唔涷唔熱非常舒服！因為我落左水，我老婆同阿囡就自己去咗Food Flea（老婆已經寫過）。而我地晚上一齊去有煙花嘅中城村音樂會。我以前唔明日本人點可以在一個會場由朝坐到晚，我們而家明白了！表演節目由3開始，期間完全冇暫停。有唱歌，有跳舞，有花生騷。我地五點到,煙花八點八先開始。我同老婆講，大鑊！要喺呢度坐三個幾鐘，我唔悶，阿囡都悶死。但係原來時間好快過，Mia一路聽歌一路跳舞。間唔中去買少少嘢食，眨吓眼就開始煙花。日本一家大細坐係草地，group 同group 之間自動自覺留有有少少通道俾人行，亦唔會影響到睇邊嘅人。嗰度好舒服。
每次在日本聽現場表演，都非常之enjoy.一開聲，就立刻比佢哋吸引咗入去。同喺香港聽完全兩回事！到咗煙花時候，全場熄晒燈，周圍完全冇光污染！超正！但原來煙花開始之前，好多家庭離開，包括我地朋友。因為聽日要返學，所以好多人等唔到，有D可惜。
http://youtu.be/H7QAKHET9n8
Search